İndoneziyada faciə: Sumatrada daşqınlar yüzlərlə can aldı

İndoneziyanın Sumatra adasında baş verən güclü daşqınlar nəticəsində ən azı 174 nəfər həyatını itirib. Bu barədə məlumatı Reuters mənbəyə istinadən yayıb.

“Təbii fəlakət nəticəsində ən azı 174 nəfər həlak olub, daha 79 sakin isə itkin düşmüş sayılır”, — deyə bildirilir.

Təbii fəlakət minlərlə ailəni evlərini tərk etməyə məcbur edib. Ada üzrə elektrik təchizatı və nəqliyyat ciddi şəkildə pozulub. Xilasetmə qrupları bütün zərərçəkmiş ərazilərə çata bilmirlər və axtarışlar çətinləşib.

DenMedia.az