O ailənin məhvinin səbəbi haqda - İlkin rəy açıqlandı

İstanbulun Fatih rayonunda həyatını itirən dördnəfərlik Böcekin ailəsinin ölümü ilə bağlı məhkəmə-tibbi ekspertizanın ilkin rəyi açıqlanıb.

“DenMedia.az” xəbər verir ki, bu barədə Türkiyə KİV məlumat yayıb.

Məlumata görə, Məhkəmə-Tibbi Ekspertiza İdarəsinin hesabatında ailənin oteldə kimyəvi maddəyə məruz qalaraq zəhərlənməsi ehtimalının daha yüksək olduğu, qida zəhərlənməsi versiyasının isə zəif qiymətləndirildiyi bildirilib.

Qeyd edək ki, hadisə ilə bağlı ümumilikdə 11 nəfər saxlanılıb, onlardan dördü – qida satıcıları – məhkəmənin qərarı ilə həbs edilib.

Xatırladaq ki, Almaniyadan gələn Böcek ailəsinin üzvləri noyabrın 12-də Fatihdəki hoteldən xəstəxanaya aparılmış, əvvəlcə uşaqlar və ana, daha sonra isə ata Servet Böcek həyatını itirmişdi. Qafqazinfo...