Maqnit qasırğası başlayır

Bu gün sakit gündür, amma sabah qasırğalar başlayacaq. Oktyabrın 27-si Yer kürəsində maqnit qasırğaları gözlənilmir. Lakin sabah qasırğalar olacaq və bir çox insanın sağlamlığı kəskin şəkildə pisləşə bilər.

DenMedia.az Lent.az-a istinadən xəbər verir ki, proqnoza görə, maqnit qasırğasının gücünü ölçən K-indeks bu gün 4-ü keçməyəcək, bu da sakit geomaqnit şəraiti hesab olunur. Lakin alimlər K-indeksinin oktyabrın 28-də 5-ə yüksələcəyini proqnozlaşdırırlar. Oktyabrın 29-da da maqnit qasırğası gözlənilir.

Qeyd etmək lazımdır ki, günəş partlayışlarının yaratdığı bütün qasırğalar intensivliyinə görə təsnif edilir və K-indeks 2-dən K-indeks 9-a qədər dəyişir. K-indeks nə qədər yüksəkdirsə, qasırğa və onun nəticələri bir o qədər şiddətli olur. K-indeks 5-dən yuxarı olan bütün qasırğalar qırmızı səviyyəli qasırğalar hesab olunur. Onlar peykləri, GPRS-i, mobil telefonları və radio rabitəsini poza bilər.

Bu günlərdə insanlar ən çox özlərini pis hiss etmələrindən, baş ağrılarından, diqqəti cəmləməkdə çətinlik çəkmələrindən və yuxunun pisliyindən şikayətlənirlər.

Xroniki xəstəlikləri və zəifləmiş immunitet sistemi olan insanlar risk altındadır.