"Vəziyyət dözülməzdir!": Avropada miqrantları xüsusi düşərgələrdə təcrid edirlər
İspaniyanın Şimali Afrikadakı anklavı Seuta şəhərinin meri Xuan Xesus Vivas mətbuat konfransında ölkədən çıxarılana qədər qanunsuz miqrantların təcrid olunmasını tələb edib, "Le Figaro" yazır. Vivas şəhərdəki mövcud vəziyyəti "dözülməz və qəbuledilməz" adlandırıb:
"Xaricilərin saxlanma mərkəzi kimi fəaliyyət göstərəcək bir yer yaradılmalıdır ki, bu insanlar orada yerləşdirilsin və təcrid olunsunlar. Çıxarılma işləri başa çatana qədər onların hərəkət azadlığı məhdudlaşdırılacaq."
Mərakeşdən Seutaya daxil olan 72 min miqrantdan 8-11 mini hələ də şəhərdədir (əksəriyyəti könüllü tərk edib). Mer yerli sakinlərin keçirdiyi "Bəsdir!" etiraz aksiyasını yüksək qiymətləndirib.
İspaniyanın Ərazi Siyasəti naziri Anxel Viktor Torres merin bu təklifini şərh etməsə də, yetkinlik yaşına çatmayan miqrantların ailələrinə qaytarılmasının vacibliyini qeyd edib, lakin onların deportasiyasından danışmayıb. Torres həmçinin Seutada təhlükəsizlik tədbirlərinin 40% gücləndirildiyini bildirib.
