ABŞ-ın İranla texniki məsləhətləşmələrində irəliləyiş var

ABŞ Prezidenti Donald Trampın xüsusi nümayəndəsi Stiv Uitkoff və Trampın kürəkəni Cared Kuşner çərşənbə axşamı Dohada müsbət danışıqlar aparıblar.

Bu barədə Bloomberg ABŞ administrasiyasındakı rəsmiyə istinadən məlumat yayıb.

Agentliyin məlumatına görə, amerikalı danışıqlarçılar Qətərdə regional liderlərlə görüşüblər. Eyni zamanda İran tərəfi ilə texniki məsləhətləşmələrin də irəlilədiyi bildirilir.

“Amerikalı danışıqlarçılar Cared Kuşner və Stiv Uitkoff Qətərdə regional liderlərlə müsbət müzakirələr aparıblar, İranla texniki danışıqlar isə davam edir”, — deyə Bloomberg yazır.

Mənbənin sözlərinə görə, yüksək səviyyədə aparılmayan bəzi texniki danışıqlarda irəliləyiş müşahidə olunur.

Qeyd olunur ki, Doha görüşləri ABŞ-ın İranla bağlı diplomatik səyləri fonunda baş tutub.

DenMedia.az