ABŞ və İran razılaşmanın son mərhələsinə yaxınlaşdı

ABŞ Prezidenti Donald Tramp İranla gələcək saziş layihəsinin ümumilikdə razılaşdırıldığını bildirib.

Bu barədə Tramp Truth Social hesabında paylaşım edib.

Onun sözlərinə görə, razılaşma əsasən razılaşdırılıb və ABŞ, İran, eləcə də prosesdə adı çəkilən digər ölkələr arasında yekun təsdiq mərhələsindədir.

Saziş əsasən razılaşdırılıb və Amerika Birləşmiş Ştatları, İran İslam Respublikası və siyahıda göstərilən müxtəlif digər ölkələr arasında yekun təsdiqə təqdim olunacaq,— deyə Donald Tramp yazıb.

ABŞ lideri bildirib ki, o, Səudiyyə Ərəbistanı, BƏƏ, Qətər, Pakistan, Türkiyə, Misir, İordaniya və Bəhreyn liderləri ilə danışıqlar aparıb. Bundan başqa, Tramp İsrailin Baş naziri Binyamin Netanyahu ilə ayrıca danışdığını qeyd edib.

Prezident əlavə edib ki, sazişin son detalları hələ də müzakirə olunur və nəticələr yaxın zamanda açıqlanacaq.

Onun sözlərinə görə, razılaşmanın əsas bəndlərindən biri Hörmüz boğazının açılması olacaq.

DenMedia.az