Ankara Netanyahunun siyasətini ifşa etdi
saida
Türkiyənin Xarici İşlər Nazirliyi İsrailin baş naziri Benyamin Netanyahunu ABŞ və İran danışıqları ilə bağlı mövqeyinə və Türkiyə prezidenti Rəcəb Tayyib Ərdoğana yönəlmiş hücumlarına görə sərt tənqid edib.
Netanyahunun hazırkı məqsədi davam edən sülh danışıqlarını pozmaq və regionda ekspansionist siyasətini davam etdirməkdir. Əks halda, o, öz ölkəsində məhkəmə qarşısına çıxacaq və ehtimal ki, həbs cəzası alacaq. Türkiyə günahsız mülki əhalinin yanında qalacaq, — deyə nazirliyin açıqlamasında bildirilir.
Qurum qeyd edib ki, İsrail rəsmilərinin Ərdoğana qarşı əsassız, təkəbbürlü və yalan ittihamlarla çıxış etməsi Türkiyənin müxtəlif platformalarda səsləndirdiyi həqiqətlərin yaratdığı narahatlığın nəticəsidir.
