İran Londona ultimatum verdi: ABŞ və İsraillə əməkdaşlığı dayandırın
saida
İranın xarici işlər naziri Abbas Araqçi britaniyalı həmkarı İvett Kuper ilə telefon danışığında Londondan ABŞ və İsraillə əməkdaşlıqdan imtina etməyi tələb edib. Bu barədə IRNA agentliyi İran XİN-ə istinadən məlumat yayıb.
Nazir bildirib ki, İrana qarşı hücumlar qonşu ölkələrin ərazisində yerləşən ABŞ bazalarından həyata keçirilir və həmin ölkələr öz torpaqlarının aqressiya məqsədilə istifadəsinin qarşısını almaq öhdəliyini yerinə yetirmirlər.
O vurğulayıb ki, Böyük Britaniyanın bu bazalara dəstək verməsi Tehrana qarşı aqressiyada şərik olmaq deməkdir.
Araqçi həmçinin Londona xəbərdarlıq edərək bildirib ki, aqressorları dəstəkləməyin nəticələri olacaq və Britaniya hakimiyyətini ABŞ və İsraillə əməkdaşlıqdan çəkinməyə çağırıb.
