Tehran əyalətində hücumlar ağır itkilərlə nəticələndi
saida
ABŞ və İsrailin Tehran əyalətinə endirdiyi birgə zərbələr nəticəsində 503 nəfər həyatını itirib, onların arasında 12 uşaq da var. Bu barədə paytaxt regionunun təcili tibbi yardım xidmətinin rəhbəri Məhəmməd İsmayıl Tavakolli məlumat verib. Xəbəri SNN telekanalı yayıb.
Onun sözlərinə görə, yaralıların sayı artıq 5,7 min nəfərə çatıb.
“Bu günə qədər hərbi hadisələr nəticəsində 5,7 min yaralı və 503 həlak olan var. Onların böyük hissəsi mülki şəxslərdir. Təəssüf ki, ölənlər arasında iki aylıq körpədən 12 yaşadək 12 uşaq da var”, — deyə Tavakolli bildirib.
Bildirilir ki, zərbələrdən əvvəl ABŞ və İsrail fevralın 28-də “Epik qəzəb” və “Nərildəyən şir” adlı əməliyyatlara başlayıb.
Buna cavab olaraq İran “Doğru vəd-4” əməliyyatını başladaraq İsrail ərazisinə və Yaxın Şərqdəki ABŞ hərbi bazalarına zərbələr endirib.
