Nüvə danışıqları ilə bağlı yeni açıqlama – Tehran mövqeyini açıqladı

Tehran ABŞ ilə nüvə proqramı üzrə hazırlanması iddia edilən müvəqqəti razılaşma barədə xəbərləri təkzib edib. Bu barədə İran Xarici İşlər Nazirliyinin sözçüsü Esmail Bagaei bildirib. O, yayılan məlumatları əsassız adlandırıb və tərəflərin hazırda yalnız fikir mübadiləsi mərhələsində olduğunu vurğulayıb. Məlumatı Al Jazeera yayıb.

Bagaei qeyd edib ki, ABŞ ilə müvəqqəti sazişlə bağlı mediada yayılan xəbərlərin heç bir əsası yoxdur.

“ABŞ ilə müvəqqəti razılaşma barədə yayılan məlumatların heç bir əsası yoxdur. Biz hazırda öz mövqelərimizin hazırlanması mərhələsindəyik”, – deyə o bildirib.

Sözçü əlavə edib ki, Tehran diplomatik yolu davam etdirməyə hazırdır. Onun sözlərinə görə, real nəticə əldə etmək perspektivi mövcud olduğu müddətdə bu yanaşma aktuallığını qoruyacaq.

Denmedia.az