Zelenskidən Putin açıqlaması: “Görüşə hazıram”

Ukrayna Prezidenti Volodimir Zelenski ABŞ və Rusiya Prezidentləri Donald Tramp və Vladimir Putinlə heç bir şərt olmadan görüşməyə hazır olduğunu bildirib.

DenMedia.az xəbər verir ki, bu barədə o, “Sky News” telekanalına müsahibəsində deyib.

Zelenski qeyd edib ki, görüş üçtərəfli və ya ikitərəfli formatda ola bilər, lakin o, Moskvaya gəlmək niyyətində deyil və danışıqlar başqa ölkədə keçirilə bilər.

Qeyd edək ki, sentyabrın 5-də Rusiya Prezidenti Vladimir Putin Şərq İqtisadi Forumunun plenar iclasında Zelenski ilə görüş üçün ən yaxşı yerin Moskva olduğunu demiş, həmçinin Ukrayna liderinin paytaxta səfər etməsi halında təhlükəsizliyinə 100 faiz təminat verməyə hazır olduğunu bildirib.