Trampın gizli planı ortaya çıxdı: Regionun taleyi kökündən dəyişir

Qəzzanın gələcəyi ilə bağlı Tramp administrasiyasının hazırladığı ssenarini üzə çıxıb.

DenMedia.az xəbər verir ki, bu barədə “Washington Post” qəzetinin əldə etdiyi məxfi sənədlərdə qeyd olunub.

“Qəzzanın Yenidənqurulması, İqtisadi Sürətləndirilməsi və Transformasiya Qəyyumluğu (TRUST)” adlanan 38 səhifəlik plan bölgənin siyasi, sosial və demoqrafik quruluşunu tamamilə dəyişməyi hədəfləyir.

Sənəddə ABŞ -ın bölgəni ən azı 10 il idarə etməsi nəzərdə tutulur. Bu müddətdə Qəzzanın yüksək texnologiyalı istehsal mərkəzi və beynəlxalq turizm kurortuna çevrilməsi planlaşdırılır.

Ən mübahisəli məqam isə təxminən 2 milyon fələstinlinin “könüllü şəkildə” bölgədən çıxarılmasıdır. Plana görə, yerli əhali başqa ölkələrə və ya xüsusi təhlükəsiz zonalara köçürüləcək. Köçürülən hər bir fələstinli üçün 5 min dollar birdəfəlik ödəniş və 4 il ərzində kirayə haqqının qarşılanması nəzərdə tutulub.

Bundan əlavə, sənəddə “Qəzzəyə Humanitar Yardım Fondu (GHF)” adlı qurumun yaradılması və bölgədəki yardımların paylanmasına İsrailin də birbaşa nəzarət etməsi planlanır. Globalinfo.az