9-cu siniflər üçün qeydiyyat prosesinə start verildi

2026-2027-ci tədris ili üzrə "Rəqəmsal bacarıqlar" təmayüllü 10-cu siniflərə qəbul üçün qeydiyyat başlayır.

 Bu barədə Məktəbəqədər və Ümumi Təhsil üzrə Dövlət Agentliyi məlumat yayıb.

Bildirilib ki, "Rəqəmsal bacarıqlar" təmayüllü siniflər şagirdlərin nəzəri biliklərini daha da dərinləşdirməklə yanaşı, onların praktik tətbiq bacarıqlarını inkişaf etdirir, informasiya texnologiyaları sahəsində ixtisaslaşmasına və əmək bazarının müasir tələblərinə uyğun bilik və bacarıqların formalaşmasına şərait yaradır.

Qeydiyyat aprelin 30-dək davam edəcək.
Qeydiyyat digitalskills.edu.az platforması üzərindən aparılır.

DenMedia.az