Müharibənin ağır maliyyə yükü – ABŞ-dan yeni rəqəmlər
ABŞ-ın İrana qarşı apardığı hərbi əməliyyatlara çəkdiyi xərclər 47,1 milyard dollara çatıb.
“The Hill” nəşrinin məlumatına görə, bu rəqəm ABŞ Silahlı Qüvvələrinin Mərkəzi Komandanlığının (CENTCOM) hesablamalarında əksini tapıb.
Oktyabrın 16-na olan maliyyə göstəriciləri artıq ABŞ Konqresinə təqdim edilib.
Son məlumatlar göstərir ki, Vaşinqtonun İranla hərbi qarşıdurmaya sərf etdiyi vəsait sentyabrın əvvəlindən bəri 3 milyard dollardan çox artıb.
Müqayisə üçün, sentyabrın 3-də CENTCOM hərbi əməliyyatların ümumi dəyərini 43,6 milyard dollar qiymətləndirmişdi.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıblar.
İyun ayında Vaşinqton və Tehran hərbi əməliyyatların dərhal dayandırılmasını nəzərdə tutan anlaşma memorandumu imzalayıblar. Lakin iyulun 8-nə keçən gecə ABŞ İranı Hörmüz boğazı ilə bağlı razılaşmanı pozmaqda ittiham edərək genişmiqyaslı zərbələri bərpa edib.
Daha sonra ABŞ administrasiyası genişmiqyaslı hərbi gücdən istifadənin dayandırılması və İrana qarşı iqtisadi sanksiyalar vasitəsilə təzyiqin artırılması istiqamətində mövqe nümayiş etdirib.
Beləliklə, hərbi əməliyyatların miqyası dəyişsə də, ABŞ-ın İranla qarşıdurmaya çəkdiyi xərclər artmaqda davam edib.
