Bəşər Əsədin əmisi oğlu edama məhkum edildi - FOTO
Suriyada devrilmiş prezident Bəşər Əsədin əmisi oğlu Vesim Əsəd vətəndaş müharibəsi dövründə törədilən cinayətlərə görə ölüm cəzasına məhkum edilib.
Anadolu Agentliyinin məlumatına görə, 46 yaşlı Vesim Əsəd qətl, işgəncə, insanlığa qarşı cinayətlər və müharibə cinayətlərində təqsirli bilinib. Məhkəmə onun keçmiş hakimiyyətə bağlı iki silahlı qrup yaratdığını və mülki şəxslərə hücumlarda iştirak etdiyini müəyyən edib.
Onun daşınar və daşınmaz əmlakının müsadirə olunmasına da qərar verilib. Qərardan apellyasiya vermək mümkündür.
