Trampın portreti ilk dəfə ABŞ pasportunda göründü
ABŞ Dövlət Departamenti ölkənin müstəqilliyinin 250 illiyi münasibətilə “Patriot Passport” adlı məhdud sayda xatirə pasportlarının verilməsinə başlayıb.
“Kursiv” nəşrinin məlumatına görə, sənədin üz qabığının daxili hissəsində ABŞ tarixində ilk dəfə fəaliyyətdə olan prezidentin — Donald Trampın portreti yerləşdirilib.
Dövlət Departamenti bildirib ki, xüsusi pasport orijinal dizayna, təkmilləşdirilmiş təsvirlərə və adi ABŞ pasportlarında olan bütün müasir təhlükəsizlik xüsusiyyətlərinə malikdir.
Proqram çərçivəsində cəmi 250 min xüsusi pasportun verilməsi nəzərdə tutulur. Əvvəlcə sənədə yalnız Vaşinqtonda müraciət etmək mümkün idi. Daha sonra proqram genişləndirilərək Çikaqo, Dallas, Detroyt və Los-Anceles də daxil olmaqla müxtəlif şəhərlərdə xüsusi qəbul günləri təşkil edilib.
