BMT terrorçuların gəncləri cəlb etmək üçün yeni kanal tapdığını açıqladı

BMT baş katibinin terrorizmlə mübarizə üzrə müavini vəzifəsini icra edən Aleksandr Zuev bildirib ki, terrorçular gəncləri elektron oyunlar vasitəsilə cəlb etməyə başlayıblar.

Bu barədə o, TASS-a müsahibəsində danışıb.

Zuevin sözlərinə görə, terrorçular əvvəl daha çox avtomobillərin partladılması və ya binalara hücum kimi əməliyyatlar həyata keçirən ayrı-ayrı qruplara fokuslanırdılarsa, indi diqqətlərini kiberməkana yönəldiblər.

O qeyd edib ki, BMT Cənub-Şərqi Asiya üçün gənclərin radikallaşmasının qarşısını almağa yönəlmiş effektiv proqramlar hazırlayıb.

“Terrorçular gəncləri radikallaşdırmaq üçün çox vaxt elektron oyunlardan istifadə edirlər”, — deyə Aleksandr Zuev bildirib.

DenMedia.az