Yeniyetmələr üçün sosial şəbəkələrdə “komendant saatı” tətbiq ediləcək
saida
Böyük Britaniya 16 və 17 yaşlı yeniyetmələr üçün sosial şəbəkələrdə “komendant saatı” tətbiq edəcək.
Bu barədə Böyük Britaniyanın Elm, İnnovasiya və Texnologiya Nazirliyinin press-relizində bildirilib.
Məlumata görə, saat 00:00-dan 06:00-dək tətbiqlərin tövsiyə funksiyaları məhdudlaşdırılacaq.
Bu müddətdə yeniyetmələr sosial şəbəkələrdən müəyyən məhdudiyyətlərlə istifadə edə biləcəklər. Snapchat, TikTok, YouTube, Instagram və X kimi platformalarda istifadəçi lentini formalaşdıran tövsiyə alqoritmləri söndürüləcək.
Şaquli videoların avtomatik sürüşdürülməsi funksiyası da, məsələn, TikTok-da olduğu kimi, işləməyəcək.
Bundan əlavə, hakimiyyət uşaqların süni intellekt əsaslı çat-botlardan təhlükəsiz istifadəsi üçün də tədbirlər tətbiq etməyi planlaşdırır. Bu tədbirlərə müntəzəm fasilə vermək barədə xatırlatmalar və yetkinlik yaşına çatmayanlar üçün təhlükə yaradan xidmətlərə məhdudiyyətlər daxildir.
