ABŞ İrana qarşı sanksiyaları genişləndirdi
saida
ABŞ İrana qarşı sanksiyaları genişləndirib.
Bu barədə ABŞ Maliyyə Nazirliyi məlumat yayıb.
Yeni məhdudiyyətlər çərçivəsində sanksiya siyahısına 8 fiziki şəxs və 6 şirkət daxil edilib. Sanksiyalara məruz qalanlar arasında iranlı bankir Əli Ənsari də var.
ABŞ Maliyyə Nazirliyinin açıqlamasında bildirilir ki, Ənsari maliyyə vasitəçisi kimi fəaliyyət göstərir və İran lideri Mojtaba Xamenei və İran elitasının digər nümayəndələrinin maraqları üçün beynəlxalq aktivlər şəbəkəsini idarə edir.
Nazirliyin məlumatına görə, sanksiyaya düşən şirkətlər İran, Honkonq, Birləşmiş Ərəb Əmirlikləri, həmçinin Sent-Kits və Nevisdə qeydiyyatdan keçib.
ABŞ Maliyyə Nazirliyi yeni məhdudiyyətlərin İranın valyuta mübadiləsi evlərinə qarşı yönəldiyini də bildirib. Vaşinqtonun versiyasına görə, bu strukturlar artıq sanksiya altında olan İran banklarının maraqları üçün hər il milyardlarla dollar vəsaitin hərəkətini təmin edir.
