ABŞ və İran arasında vasitəçilik üçün yeni imkan yarandı
saida
Beynəlxalq Atom Enerjisi Agentliyi (MAQATE) ABŞ və İran arasında nüvə sahəsində mümkün razılaşmaların icrasına nəzarət zamanı vasitəçi qismində çıxış etməyə hazırdır.
Bu barədə təşkilatın baş direktoru Rafael Qrossi bildirib.
Yonhap agentliyinin məlumatına görə, Qrossi qeyd edib ki, belə bir vasitəçilik funksiyasının yerinə yetirilməsi agentliyin əsas vəzifələrindən biridir.
O, həmçinin bu istiqamətdə işə başlamaq üçün BAEA-nın İdarə Heyətinə müraciət etmək niyyətində olduğunu açıqlayıb.
Qrossi bildirib:
Agentlik üçün ən vacib məsələ yoxlamadır və bizim iştirakımız çox mühüm formallıqdır. Onlar razılaşdıqda və bizdən yoxlama funksiyasını üzərimizə götürməyi istədikdə, mən BAEA-nın İdarə Heyətinə müraciət edib bunun üçün icazə istəməli olacağam.
Məlumata görə, 2026-cı ilin aprelində İran BAEA ilə əməkdaşlığı dayandırıb.
Buna səbəb kimi “Avropa üçlüyü” adlandırılan Böyük Britaniya, Almaniya və Fransa tərəfindən BMT Təhlükəsizlik Şurasının İrana qarşı sanksiyalarının bərpası istiqamətində atılan addımlar göstərilib.
2025-ci ilin sentyabrında BMT Təhlükəsizlik Şurası İrana qarşı iqtisadi sanksiyaların saxlanılmasının lehinə səs verib. Qərar 9 lehinə, 4 əleyhinə səslə qəbul olunub.
