Qəzza planı çətinləşdi: ABŞ İsrailin hərbi ssenarisinə qarşı çıxdı
saida
ABŞ Qəzza zolağında sülh planının icrası ilə bağlı çətinliklər fonunda İsrailə hərbi əməliyyatların bərpasının yolverilməz olduğunu bildirib.
Bu barədə Axios Amerika mənbələrinə istinadən məlumat yayıb.
Vaşinqton hesab edir ki, hərbi əməliyyatların yeni mərhələsi münaqişənin həlli üçün əks-məhsuldar yol olardı.
Amerika tərəfi ilə təmaslar zamanı İsrail nümayəndələri HƏMAS Fələstin hərəkatına qarşı hücum əməliyyatlarının bərpası ehtimalını istisna etməyiblər.
Axios qeyd edir ki, bu mövzunun müzakirəsi Qəzza zolağında vəziyyətin sülh yolu ilə tənzimlənməsi planının həyata keçirilməsində yaranan çətinliklər fonunda aparılır.
