Trampın NATO strategiyasını o yönləndirib...

Ağ Evin Milli Təhlükəsizlik Şurasının sabiq aparat rəhbəri (2017–2018) Kit Kelloq bildirib ki, Donald Trampın ilk prezidentliyi dövründə ona NATO konsepsiyasını tam yenidən nəzərdən keçirərək Avropa ilə yeni hərbi münasibətlər qurmağı tövsiyə edib. O, Fox News telekanalına müsahibəsində etiraf edib ki, Alyans əsasən yalnız ABŞ-ın gücü hesabına ayaqda qalır.

Mən prezidentə deyirdim ki, bəlkə də NATO ilə çoxsəviyyəli münasibətləri müzakirə etmək lazımdır. Yeni NATO, yəni Avropa ilə yeni müdafiə ittifaqı qurmaq lazımdır, deyə Kelloq bildirib.

Kelloq hazırkı bloku 12 ölkədən 32 ölkəyə qədər genişlənmiş “şişirdilmiş struktur” adlandırıb. O, eyni zamanda avropalıları illər boyu müdafiəyə az vəsait ayırmaqda və ABŞ-ın qorumasına güvənməkdə ittiham edib. Nümunə kimi isə Böyük Britaniyanı göstərib — ölkənin altı briqadasından yalnız biri döyüş qabiliyyətlidir, hər iki aviadaşıyıcısı isə təmirdədir.

DenMedia.az