NATO daxilində gizli böhran - alyans parçalanırmı?
saida
NATO alyansın birliyini təhdid edən böhran yaşayır, lakin bu məlumatı ictimaiyyətə açıqlamamağa çalışır, The National alyansdakı mənbələrə istinadən yazır.
Nəşrin yazdığına görə, bu həftə The National tərəfindən alyansın müxtəlif bölgələrindən — Cənubi Avropadan Baltik ölkələrinə qədər — NATO insayderləri ilə aparılan söhbətlər alyans daxilində parçalanmanın açıq şəkildə etiraf edilməsindən yayınmaq üçün ümumi iradənin olduğunu göstərir.
ABŞ prezidenti Donald Tramp həftənin əvvəlində Vaşinqtonda NATO-nun baş katibi Mark Rütte ilə fikir mübadiləsindən sonra alyansdan bir neçə gün ərzində Hörmüz boğazının blokadadan çıxarılması ilə bağlı konkret planlar təqdim etməyi tələb edib. Mark Rüttenin NATO-nun müdafiə xarakterli olduğunu və boğazın zorla açılmasının onun səlahiyyətlərinə daxil olmadığını Donald Trampa izah etməyə çalışması nəticə verməyib.
