İran ABŞ-a cavab göndərdi — indi Vaşinqtonun reaksiyası gözlənilir

İran ABŞ-ın münaqişənin tənzimlənməsi ilə bağlı təklifinə cavabını vasitəçilər vasitəsilə göndərib və hazırda Vaşinqtonun reaksiyasını gözləyir. Bu barədə Tasnim agentliyi məlumat yayıb.

Mənbənin sözlərinə görə, ABŞ tərəfindən irəli sürülən 15 maddəyə cavab çərşənbə axşamı axşam rəsmi şəkildə təqdim olunub.

“İran cavabında açıq şəkildə bildirib ki, aqressiv hücumlar və qətllər dayandırılmalıdır.”

Tehran bir neçə əsas şərt irəli sürüb:

• Müharibənin təkrarlanmaması üçün konkret təminatlar verilməlidir
• Zərərin ödənilməsi və hərbi reparasiyalar aydın şəkildə müəyyən edilməlidir
• Regionda bütün cəbhələrdə və iştirak edən qruplar üzrə müharibə dayandırılmalıdır

Bundan əlavə, İran bildirib ki, Hörmüz boğazı üzərində suverenliyi onun “təbii və qanuni hüququdur” və bu hüquq tanınmalıdır.

DenMedia.az