Çində İrandakı məktəbə zərbə insanlıq əxlaqına qarşı cinayət adlandırıldı
saida
İrana məxsus ibtidai məktəbə edilən hücum nəticəsində 175-dən çox insanın həlak olması beynəlxalq humanitar hüququn pozulmasıdır və insanlıq əxlaqının sərhədlərini aşır. Bu barədə brifinqdə Çinin Xarici İşlər Nazirliyinin nümayəndəsi Qo Tsyakun bildirib.
O, həmçinin həlak olanların ailələrinə dərin başsağlığı verib.
Məlumata görə, 28 fevral tarixində İranın cənubundakı Minaab şəhərində yerləşən “Şadjarə Tayebe” ibtidai məktəbinə zərbə endirilib. Hücum ABŞ-ın həyata keçirdiyi hərbi əməliyyatlar zamanı baş verib.
Bildirilir ki, ABŞ hərbçilərinin əsas hədəfi məktəbin yaxınlığında yerləşən İran hərbi bazası olub, lakin mərmi təhsil müəssisəsinə düşüb.
Çin tərəfi mülki əhaliyə və hərbi olmayan obyektlərə qarşı bütün seçimsiz hücumları qınadığını bildirib.
Diplomatın sözlərinə görə, xüsusilə məktəblərə edilən və uşaqlara zərər verən hücumlar beynəlxalq humanitar hüququn daha ciddi pozuntusu hesab olunur və insanlıq vicdanının sərhədlərini aşır.
