Fon der Lyayen Xameneyinin ölümünü “ümid anı” adlandırdı
saida
Avropa Komissiyasının rəhbəri Ursula fon der Lyayen İranın ali lideri Ayətullah Əli Xameneyinin ölümü ilə bağlı açıqlama verib. O bildirib ki, bu hadisə iranlılar üçün “ümid pəncərəsi” yarada bilər, lakin eyni zamanda region üçün ciddi təhlükələr də mövcuddur.
Fon der Lyayen vurğulayıb ki, İranın gələcəyi iran xalqına məxsus olmalıdır və beynəlxalq ictimaiyyət bu prosesin onların iradəsi ilə formalaşmasına şərait yaratmalıdır.
“Biz təmin etməliyik ki, gələcək onların olsun və onu özləri formalaşdıra bilsinlər. Eyni zamanda bu an real qeyri-sabitlik riski daşıyır və regionu zorakılıq spiralına sürükləyə bilər.”
Aİ rəhbəri qeyd edib ki, mövcud vəziyyət həm dəyişiklik üçün fürsət, həm də bölgədə yeni gərginlik mərhələsinin başlanğıcı ola bilər.
