Kaya Kallas Xameneinin ölümünü "dönüş nöqtəsi" adlandırdı
saida
Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas İranın ali dini lideri Ayətullah Əli Xameneinin ölümünü “İran tarixində dönüş nöqtəsi” adlandırıb.
O, bazar günü X sosial şəbəkəsində yazıb:
“Növbəti mərhələdə nə baş verəcəyi hələlik aydın deyil. Lakin indi başqa bir İran üçün yol açılıb — elə bir İran ki, onun formalaşmasında xalq daha çox azadlıq əldə edə bilər.”
Kallas bildirib ki, regionda İranın hərbi fəaliyyətlərindən ən çox zərər görən tərəflər də daxil olmaqla tərəfdaşlarla əlaqə saxlayır və gərginliyin azaldılması üçün praktik addımların müəyyənləşdirilməsi üzərində çalışır.
