Türkiyənin "qara gecəsi" üç ildən sonra da ürəklərdədir - FOTO
saida
Türkiyə 6 fevral gecəsi "əsrin fəlakəti" kimi təsvir edilən qaranlıq bir günə oyandı.
6 fevral 2023-cü ildə əvvəlcə Kahramanmaraşın Pazarcık rayonunda 7,7 bal gücündə zəlzələ baş verdi. Zəlzələ ətraf vilayətlərdə böyük dağıntılara səbəb oldu və bir sıra qonşu ölkələrdə də hiss edildi.
Ölkə ilk zəlzələnin şokunu hələ atlada bilməmiş, həmin gün 9 saat sonra bu dəfə episentri Kahramanmaraşın Elbistan rayonu olan 7,6 bal gücündə ikinci zəlzələ qeydə alındı.
Kahramanmaraşla yanaşı Hatay, Osmaniye, Adıyaman, Diyarbakır, Şanlıurfa, Qaziantep, Kilis, Adana, Malatya və Elazığ vilayətlərini əhatə edən bu “əsrin fəlakəti” nəticəsində 53 min 537 nəfər həyatını itirdi, 107 min 213 nəfər isə yaralandı.
Minlərlə binanın yerlə-yeksan olduğu zəlzələnin açdığı yaralar dövlət və xalqın birgə səyləri ilə qısa müddətdə sarılmağa başladı. 108 min kvadratkilometr ərazidə 14 milyon insanı təsir edən fəlakətdən sonra 11 vilayət misli görünməmiş bərpa və yenidənqurma səfərbərliyi ilə ayağa qaldırıldı.
Zəlzələ bölgəsində 174 ayrı sahədə, 3 min 481 şantiyədə, 200 min nəfərlik işçi heyəti gecə-gündüz çalışdı. Üç il tamam olmadan 455 min yaşayış evi inşa edildi və təxminən 2 milyon zəlzələ zərərçəkəni təhlükəsiz evlərinə köçürüldü.
Əhali baxımından Litva, ərazi baxımından isə Bolqarıstan ölçüsündə bir sahə faktiki olaraq yenidən quruldu. Tarixi sürətlə aparılan bərpa işləri çərçivəsində zəlzələ bölgəsində ilk təməllər 15-ci gündə atıldı, ilk təhvil isə 45-ci gündə həyata keçirildi.
27 dekabr 2025-ci ildə 455 mininci müstəqil yaşayış sahəsi tamamlandı. Ümumilikdə 367 min 995 mənzil, 65 min 672 kənd evi və 21 min 690 iş yeri inşa olundu.
