Maçado Nobel medalını Trampa təqdim etdi
saida
ABŞ Prezidenti Donald Tramp Venesuela müxalifətinin nümayəndəsi Mariya Korina Maçado tərəfindən ona təqdim edilən Nobel Sülh Mükafatını qəbul edib. Bu barədə Fox News məlumat yayıb.
Telekanalın aparıcısı Bret Baierin sözlərinə görə, Maçado medalın məhz Trampa təqdim edilməsində israr edib.
15 yanvar tarixində Tramp Ağ Evdə Maçado ilə görüş keçirib.
6 yanvarda Venesuela müxalifətinin lideri bəyan edib ki, ölkəyə edilən hücumdan sonra 2025-ci ildə aldığı Nobel Sülh Mükafatını ABŞ prezidentinə verməyə hazırdır. Onun sözlərinə görə, mükafatı alarkən onu artıq Amerika liderinə həsr edib, çünki hesab edib ki, “o buna layiqdir”. 3 yanvarda isə Tramp bir çoxlarının mümkünsüz saydığı nəticəyə nail olub, — deyə müxalifət lideri vurğulayıb.
10 yanvarda Norveç Nobel Komitəsi bildirib ki, Nobel mükafatının başqa şəxsə verilməsi mümkün deyil.
2025-ci il Nobel Sülh Mükafatı Maçadoya “Venesuela xalqının demokratik hüquqlarının təşviqi istiqamətində yorulmaz fəaliyyətinə görə” verilib. ABŞ-ın Venesuelaya hücumundan sonra Maçado qeyd edib ki, ölkənin müxalifəti hakimiyyəti öz üzərinə götürməyə hazırdır, lakin Tramp bildirib ki, onun ölkə daxilində dəstəyi yoxdur.
