Venesuela faktoru: ABŞ zərbələri fonunda Tramp güclənir

ABŞ prezidenti Donald Trampın reytinqi 42 faizə yüksəlib. Bu, Ipsos şirkəti və Reuters agentliyinin birgə keçirdiyi sorğunun nəticələrindən məlum olur.

Qeyd olunur ki, bu göstərici 2025-ci ilin oktyabr ayından bəri Tramp üçün ən yüksək dəstək səviyyəsidir.

“Trampın təsdiqlənmə reytinqi 42 faiz təşkil edir — bu, dekabr sorğusundakı 39 faizdən daha yüksəkdir”, – deyə agentliyin dərc etdiyi materialda bildirilir.

Sorğu həmçinin göstərib ki, amerikalıların üçdə biri ABŞ-ın Venesuelaya endirdiyi zərbələri dəstəkləyir. Bununla yanaşı, respondentlərin 72 faizi ABŞ-ın Latın Amerikası ölkəsinin işlərinə həddindən artıq dərəcədə cəlb oluna biləcəyindən narahatdır.

Sorğu 4–5 yanvar tarixlərində ABŞ-ın 1248 yetkin vətəndaşı arasında keçirilib. Statistik səhv ehtimalı təxminən üç faiz bəndi təşkil edib.

Denmedia.az