Honkonq həbsxanasından qorxunc iddialar: media maqnatının səhhəti çökür
saida
Keçmiş media maqnatı Jimmy Laiın qızı atasının Honkonq həbsxanasında səhhətinin kəskin pisləşməsi ilə bağlı narahatlığını dilə gətirib. Onun sözlərinə görə, atasında dırnaqların tökülməsi və dişlərin çürüməsi kimi ağır problemlər yaranıb.
Qızı bildirib ki, atası həbs olunarkən “çox möhkəm və güclü bir kişi” olub, lakin son bir ildə xeyli çəki itirib.
BBC-yə danışan və hazırda Londonda sürgündə yaşayan Kler Lay deyib:
“Onun şəkərli diabeti var, əvvəllər olmayan ürək problemləri yaranıb. Dırnaqları boz-bənövşəyi rəng alıb və bəzən tökülür. Dişləri çürüyür.”
Hazırda 78 yaşlı Cimmi Lay 2020-ci ilin dekabrından həbsdə saxlanılır və ömrünün sonunadək həbsdə qala bilər. Ayın əvvəlində o, Honkonqun bir çox ölkələr tərəfindən tənqid edilən Milli Təhlükəsizlik Qanunu (NSL) çərçivəsində xarici qüvvələrlə əlbir olmaqda təqsirli bilinib.
Bununla belə, Honkonq və Çin hakimiyyətləri Layın həbsxanada pis rəftara məruz qalması ilə bağlı iddiaları rədd edir və onun “yaxşı sağlamlıq vəziyyətində” olduğunu bildirir.
