“Çelsi” vəsaiti donduruldu: Abramovich Ukrayna üçün ayrılan pullara etiraz edir

Rusiyalı iş adamı Roman Abramovich Böyük Britaniya hakimiyyətinin tələblərinə etiraz edir və “Çelsi” futbol klubunun satışından əldə olunan vəsaitin Ukraynaya köçürülməsindən imtina edir. Bu barədə The Times yazır. Məlumata görə, biznesmen aktivlərini qorumaq üçün ən güclü hüquqşünasları cəlb edib.

“Çelsi”nin satışından əldə olunan 2,5 milyard funt sterlinq məbləğində vəsait sanksiyalar səbəbilə Abramoviçlə əlaqəli hesablarda dondurulmuş vəziyyətdə qalır. Böyük Britaniya hökuməti bu məbləğin — daha dəqiq desək, 2,35 milyard funtun — Ukraynaya yardım üçün yönəldilməsində israr edir. Lakin klubun keçmiş sahibi bu mövqeyi məhkəmə yolu ilə mübahisələndirməyə hazırdır.

Nəşrin mənbələrinin bildirdiyinə görə, Roman Abramovich artıq genişmiqyaslı hüquqi hazırlığa başlayıb. Buraya Cersi adasında 5,3 milyard funt sterlinqlik aktivlərlə bağlı qaldırılan iddia da daxildir. Məhkəmə prosesinin nəticəsi təkcə sahibkarın maliyyə maraqlarını deyil, həm də Londonun Kiyevə müsadirə edilmiş aktivlər hesabına dəstək planlarının taleyini müəyyən edəcək.

DenMedia.az