Ukrayna üçün yeni ssenari: Döyüşlər dayanmayacaq?
saida
ABŞ-ın NATO yanında daimi nümayəndəsi Metyu Uitaker Fox News telekanalının efirində bildirib ki, Ukrayna 2026-cı ildə də döyüşlərin davam etməsinə hazır olmalıdır.
“Əgər bu qış sülh sazişi olmadan keçsək, hərbi əməliyyatlar davam edəcək,” — deyə o vurğulayıb.
Uitakerin sözlərinə görə, ABŞ prezidenti Donald Trampın administrasiyası geri çəkilmək niyyətində deyil və Rusiya ilə Ukrayna arasında sülh razılaşmasına nail olmaq üçün yaranan hər bir imkandan istifadə edəcək.
Moskvanın münaqişəni bitirməyə nə dərəcədə hazır olması ilə bağlı suala cavab verən diplomat bildirib ki, bu, yaxın həftəsonu məlum olacaq.
