Sülh olsa belə? Budapeşt Avropanın gizli planından narahatdır

Macarıstan Avropanın bir sıra ölkələrinin Ukrayna münaqişəsinin mümkün sülh yolu ilə həllindən asılı olmayaraq Rusiya ilə uzunmüddətli düşmənçiliyə hazırlaşmasından ciddi narahatdır. Bu barədə Macarıstanın xarici işlər və xarici iqtisadi əlaqələr naziri Peter Siyarto TASS-a müsahibəsində bildirib.

Onun sözlərinə görə, bu cür mövqelər Qərbi Avropa dövlətlərinin Moskva ilə dinc yanaşı yaşamaq yox, uzunmüddətli hərbi qarşıdurma yolunu seçdiyini göstərir.

“Bizi doğrudan da narahat edən odur ki, bəzi Avropa ölkələri mümkün sülhdən asılı olmayaraq Rusiya ilə uzunmüddətli düşmən münasibətlərinə hazırlaşdıqlarını açıq şəkildə bildirirlər”, — deyə Siyarto vurğulayıb.

Denmedia.az