Honq Konqda faciədən sonra: 2 mindən çox sakin müvəqqəti mənzilə köçürüldü

HonqKonq administrasiyası bildirir ki, Wang Fuk Court yaşayış kompleksində baş verən yanğından sonra iki mindən çox sakin artıq müvəqqəti mənzillərə yerləşdirilib.

Məlumata görə, 945 nəfər gənclər üçün nəzərdə tutulmuş yataqxanalara, düşərgələrə və otellərə köçürülüb. Daha 1470 sakin isə HonqKonq Mənzil Təsərrüfatı Bürosu və HonqKonq Mənzil Cəmiyyətinin təqdim etdiyi müvəqqəti yaşayış sahələrinə yerləşdirilib.

Bununla yanaşı, kompleksin bir çox sakini hələ də iki müvəqqəti yerləşdirmə mərkəzində, eləcə də qohumlarının və tanışlarının evlərində qalmağa davam edir.

HonqKonqun Səhiyyə Bürosu qərar qəbul edib ki, yanğından zərərçəkənlərin — o cümlədən dövlət xəstəxanalarında yerləşdirilən şəxslərin — müalicə və reabilitasiya müddəti boyunca bütün tibbi xidmətlər üçün ödənişdən tam azad edilməsi təmin olunsun.

DenMedia.az