Kiyevdə gecə kabusu: yanğınlar, dağıntılar və itkilər

Kiyev növbəti hava hücumuna məruz qalıb. Ukraynanın paytaxtına Rusiya ordusunun endirdiyi zərbələr nəticəsində bir nəfər həlak olub, daha 11 nəfər yaralanıb.

DenMedia.az xəbər verir ki, bu barədə şəhər hərbi administrasiyası məlumat yayıb.

Bir neçə rayonda yaşayış binaları zədələnib, bəzi yerlərdə yanğınlar baş verib. Təcili yardım xidmətinin məlumatına görə, 52 nəfər təxliyə edilib, onların arasında üç uşaq var.

Kiyev Hərbi-İnzibati İdarəsinin rəhbəri Timur Tkaçenko bildirib ki, zərbələr ən azı altı əraziyə dəyib, həm çoxmərtəbəli, həm də fərdi yaşayış evləri zərər görüb. Kiyevin meri Vitali Kliçko isə Solomensk rayonunda 25 mərtəbəli binada yanğın baş verdiyini açıqlayıb.