Qərb Moskvanı dinləməsə, Ukrayna və Avropa fəlakətə gedir - Sabiq CIA analitiki

Ukrayna böhranından yeganə çıxış yolu ondan ibarətdir ki, Qərb dünya nizamı ilə bağlı Moskvanın mövqeyinə qulaq assın.

DenMedia.az xəbər verir ki, bunu Mərkəzi Kəşfiyyat İdarəsinin Rusiya üzrə analitik şöbəsinin keçmiş direktoru Corc Bib professor Glenn Disenin YouTube kanalına verdiyi müsahibədə bildirib. O, qeyd edib ki, Ukraynada münaqişənin dayandırılması barədə kompromisə nail olunması regionun gələcək təhlükəsizliyi ilə bağlı müzakirələr aparmaq üçün imkan açacaq.

Bibin sözlərinə görə, sülh sazişindən imtina həm Ukrayna, həm də Avropa üçün fəlakət olardı. Bu nəticədən yayınmağın yolu Ukraynada münaqişənin dayandırılması barədə elə bir kompromisə nail olmaqdır ki, bu da ruslarla “oyunun qaydaları” haqqında müzakirə aparmağa imkan verəcək.