Amerikanın 5500 toksik obyekti su altında qala bilər

ABŞ-da 5500-dən çox toksik obyekt 2100-cü ilə qədər dəniz səviyyəsinin qalxması səbəbilə daşqın zonasına düşə bilər. Bu barədə The Guardian Kaliforniya Universitetinin Nature Communications jurnalında dərc olunan tədqiqatına istinadla yazır.

Alimlər xəbərdarlıq edir ki, istixana qazı emissiyaları indiki səviyyədə davam edərsə, çirkab su anbarları, toksik tullantı sahələri, neft-qaz infrastrukturu və sənaye obyektləri ciddi risk altına düşəcək.

Aparılan analiz iki ssenarini — yüksək və aşağı emissiya səviyyələrini — yüzillik daşqın proqnozlarına əsaslanaraq qiymətləndirib. Tədqiqat göstərir ki, iqlim təsirinin azaldılması üçün təcili tədbirlər görülməsə, genişmiqyaslı ekoloji fəlakət qaçılmaz olacaq.

DenMedia.az