Tramp Orbana rədd cavabı verdi — “istisna yoxdur”
saida
ABŞ prezidenti Donald Tramp, Macarıstanın baş naziri Viktor Orbanın şəxsi xahişinə baxmayaraq, Vaşinqtonun Rusiya neft şirkətləri “Rosneft” və “Lukoil”ə qarşı tətbiq etdiyi yeni sanksiyalardan Budapeşt üçün istisna tanımaqdan imtina edib.
Prezident bunu oktyabrın 31-də, “Air Force One” təyyarəsində jurnalistlərin suallarını cavablandırarkən təsdiqləyib, — DW xəbər verir.
“O, bizdən istisna istədi, biz vermədik, amma o, bizdən xahiş etdi,” — deyə Ağ Evin rəhbəri bildirib.
Viktor Orban daha əvvəl 7 noyabrda Tramp ilə görüş zamanı onu Macarıstanın xüsusi vəziyyətdə olduğuna inandırmağa ümid etdiyini demişdi.
Siyasətçinin sözlərinə görə, ölkənin enerji təchizatı əsasən boru kəmərləri vasitəsilə həyata keçirildiyi üçün Macarıstan enerji idxalından yüksək dərəcədə asılıdır.
“Macarıstanın dənizə çıxışı yoxdur,” — deyə Orban bildirmişdi.
“Biz enerjini təmin edən nəqliyyat yollarından, əsasən də boru kəmərlərindən asılıyıq.”
O əlavə edib ki, Rusiya sanksiyalarına qarşı istisna əldə etmək istəyən Macarıstan, ABŞ-a bu xüsusi vəziyyəti izah etməlidir.
