Ərdoğan Putinə: “Sülh üçün diplomatiya sürətlənməlidir”

DenMedia.az Türkiyə liderinin administrasiyasına istinadla məlumat verir ki, Türkiyə Prezidenti Rəcəb Tayyib Ərdoğan Rusiya lideri Vladimir Putinlə telefon danışığı zamanı Ukrayna ilə bağlı diplomatik təşəbbüslərin sürətləndirilməsinin vacibliyini vurğulayıb. 

Bəyanatda qeyd olunur: “Diplomatik təşəbbüsləri sürətləndirmək lazımdır və Türkiyə sülhün əldə olunması istiqamətində səylərini davam etdirəcək.”

Prezident Administrasiyası əlavə edib ki, bu addımlar ədalətli və davamlı sülhün təmin olunması üçün zəruridir.

Bundan əvvəl Ərdoğan bildirmişdi ki, o, Rusiya Prezidenti Vladimir Putin və Ukrayna lideri Vladimir Zelenski ilə müntəzəm təmasdadır və Ukrayna məsələsində vasitəçilikdən imtina etmək niyyətində deyil. Türkiyə liderinin fikrincə, bu təmaslar sülh prosesini sürətləndirir.