Çində yayılan virus narahatlıq yaratdı: 1 həftədə 3 min yoluxma

Çinin cənubundakı Quandun əyalətində çikunqunya virusuna 3 min yeni yoluxma halı qeydə alınıb.

“Yoluxmalar sentyabrın 28-dən oktyabrın 4-dək olan müddətdə qeydə alınıb. Ən çox yoluxma Czyanmen şəhərində baş verib. Burada səhiyyə üzrə üçüncü dərəcəli fövqəladə vəziyyət rejimi tətbiq olunub”, – deyə bildirilib.

Qeyd edək ki, çikungunya qızdırması insanlara yalnız infeksiyaya yoluxmuş ağcaqanadların sancması ilə ötürülür, insandan insana keçmir.

Virusun simptomlarına hərarətin 40 dərəcəyə qədər qalxması, baş ağrısı, güclü oynaq və əzələ ağrıları, ürəkbulanma, zəiflik və səpgi daxildir.

Çikunqunya az tanınan xəstəlik olsa da, ÜST-ün məlumatına görə, artıq dünyada 119 ölkədə yayılıb və 5.6 milyard insana təsir göstərib.