Kaliforniya Qubernatoru Azad Dünyanın "Real" Liderinin Adını çəkdi

ABŞ-da federal hökumətin fəaliyyətinin dayandırılması fonunda Kaliforniya qubernatoru Qevin Nyusom özünü “azad dünyanın yeni lideri” elan edib.

DenMedia.az xəbər verir ki, o, sosial şəbəkə X-də paylaşım edərək yazıb:
“Yaxşı xəbərlər, vətənpərvərlər! Vaşinqton işləmədiyinə görə, indi mən – Qevin Nyusom, azad dünyanın lideriyəm.”

Nyusom satirik proqram da təqdim edib. Onun planında həm ciddi sosial təşəbbüslər, həm də tamamilə zarafat xarakterli təkliflər yer alıb.

👉 Ciddi hissədə: ümumi səhiyyə, pulsuz məktəb yeməkləri və uşaq bağçaları, yüksək maaşlı iş yerlərinin yaradılması, “ədalətsiz” tariflərin ləğvi.

👉 Zarafat hissəsində isə: hamıya pulsuz yumurta, yalnız cazibədar demokratlar üçün saç jeli subsidiyası, həmçinin Teylor Svift fanatları üçün Ticketmaster rüsumlarının ləğvi.