ABŞ-da qanunsuz miqrant konqresmeni partlatmaqla hədələdi

ABŞ-ın Daxili Təhlükəsizlik Nazirliyi (DHS) məlumat verib ki, Florida ştatında qanunsuz miqrant saxlanılıb. O, konqres üzvü Keti Kastorun ofisinə bomba yerləşdirmək təhdidinə görə federal axtarışda idi. 

DenMedia.azməlumatına görə, xəbəri Fox News yayıb.

Saxlanılan şəxs — 58 yaşlı Kuba vətəndaşı Riqoberto Albizar-Martines — bu ilin may ayında təhdidedici səsli mesajlar göndərdiyinə görə 1 il həbs cəzası almışdı.

Miqrant reydləri Kaliforniyada narazılıq doğurdu

6 iyun tarixində Kaliforniyanın Los-Anceles şəhərində ABŞ İmmiqrasiya və Gömrük Polisi (ICE) tərəfindən keçirilən miqrant reydlərinə qarşı etiraz aksiyaları başlayıb. Aksiyaçılar saxlanmalara və kütləvi deportasiyalara qarşı çıxıblar.

İlkin mərhələdə dinc şəkildə keçən etirazlar, daha sonra prezident Donald Trampın şəhərə Milli Qvardiya yeritməsi ilə iğtişaşlara çevrilib.

Ziyan milyonlarla ölçülür

Baş verən qarışıqlıqlar nəticəsində:

• Onlarla mağaza qarət edilib

• Yerli biznes subyektlərinə milyonlarla dollar həcmində maddi ziyan dəyib

Hazırda Los-Ancelesdə təhlükəsizlik tədbirləri gücləndirilib, protestlər isə davam edir.