Hücumun tarixi açıqlandı: Azərbaycanın qonşusu hazırlığa başladı

İsrailin sentyabr-oktyabr aylarında, xüsusilə də oktyabrın 7-dən əvvəl İrana qarşı genişmiqyaslı hücum ehtimalı yüksək qiymətləndirilir.

Denmedia.az  xəbər verir ki, bu barədə “Global Security Review” internet portalı məlumata yayıb. Hesabatda vurğulanır ki, bu ehtimalın artmasında İsrailin strateji maraqları, İranın müdafiə səfərbərliyi və baş nazir Benyamin Netanyahunun daxili siyasi planları mühüm rol oynayır.

Təhlilə görə, hücum planı çoxşaxəli hərbi strategiyaya əsaslanır – hava və kiberhücumlarla İranın radar sistemlərini sıradan çıxarmaq, komandanlıq və nəzarəti zəiflətmək, həmçinin ballistik raketləri erkən mərhələdə neytrallaşdırmaq nəzərdə tutulur.

“İran İnternational”ın məlumatına görə, mütəxəssislər belə bir əməliyyatın regional və qlobal miqyasda ciddi gərginlik yaradacağını istisna etmirlər.(Globalinfo.az)