İran imtahandan kəsildi: Üç Avropa ölkəsi Tehranla bağlı QƏRAR VERDİ

Böyük Britaniya, Almaniya və Fransa nüvə danışıqlarının nəticəsiz qalması fonunda İrana qarşı sanksiyaların bərpası prosesinə start verib.

Denmedia.az  bildirir ki, bu barədə “Reuters” məlumat yayıb.

İranın maliyyə, bank, enerji və müdafiə sektorlarına qarşı sanksiyalar 30 gün sonra bərpa olunacaq.

“Tehran illərdir JCPOA üzrə öhdəliklərini açıq şəkildə pozur və vəziyyəti düzəltmək üçün heç bir konkret addım atmır”.

Bir gün əvvəl Avropa ölkələri İranın nüvə proqramı ilə bağlı danışıqları sentyabrın sonuna qədər davam etdirməyə hazır olduqlarını açıqlayıblar.

Dünən isə Aİ üçlüyünün xarici işlər nazirləri Birləşmiş Ştatların dövlət katibi Marko Rubionu BMT Təhlükəsizlik Şurasının İrana qarşı sanksiyalarını yeniləyəcək snapback mexanizmini işə salmaq qərarı barədə məlumatlandırıblar.

Tehran isə BMT Təhlükəsizlik Şurasının 2015-ci il razılaşmaları əsasında ləğv edilən sanksiyaların bərpa olunması fonunda, Nüvə Silahlarının Yayılmaması Müqaviləsindən çıxacağı ilə hədələyib.(Globalinfo.az)