Müsəlman ölkəsinə hücum xaosa səbəb oldu: Avropada sensasiya

İsrailin Fələstinə hücum məsələsində hökumətlərin mövqeyinə etiraz edən Avropalı siyasətçilər ard-arda istefa verirlər.

Denmedia.az xəbər verir ki, Hollandiya, İspaniya, Böyük Britaniya, İrlandiya və Belçikada siyasətçilər İsrailin Qəzzaya hücumlarına qarşı daha sərt addımlar atılmadığı üçün vəzifələrini tərk ediblər.

İsrailin 2023-cü il oktyabrın 7-də Qəzzaya hücuma başlamasından sonra Avropada çoxsaylı siyasətçi baş verənləri soyqırım kimi qiymətləndirərək hökumətlərinin mövqeyinə etiraz ediblər.

Hollandiyanın xarici işlər naziri Kaspar Veldkamp avqustun 22-də istefa verib. O, koalisiya tərəfdaşlarının qeyri-qanuni İsrail yaşayış məntəqələrindən mallara embarqo qoyulması, İsraildən silah alınmasına qadağa, ifrat sağçı İsrail nazirlərinə sanksiyalar və Fələstin dövlətinin tanınması kimi tələblərinə mane olduğunu açıqlayıb.

Veldkampın gedişi domino effekti yaradıb və müvəqqəti hökumətin digər üzvləri də istefa veriblər. Onların arasında baş nazirin müavini, Sosial məsələlər və məşğulluq naziri Eddi van Hicum, daxili işlər naziri Judith Uitermark, təhsil, mədəniyyət və elm naziri Eppo Bruins və daha bir neçə şəxs istefa verib.Globalinfo.az