Azərbaycan vətəndaşı Rusiyada faciəvi şəkildə öldü

Azərbaycan vətəndaşı Rusiyada qəzada ölüb.

Denmedia.az APA-ya istinadən xəbər verir ki, 1967-ci il təvəllüdlü Araz Abbasəli oğlu Tağıyevi avtomobil vurub.

Hadisə zamanı ağır xəsarətlər alan Araz Tağıyev bir neçə gün xəstəxanada komatoz vəziyyətdə qalsa da, ötən gün ölüb.

Qeyd edək ki, Araz Tağıyev işləmək məqsədi ilə dörd ay əvvəl Rusiyanın Novosibirsk vilayətinə gedib. Mərhumun cənazəsi bu gün ölkəyə gətiriləcək. O, doğulduğu Ucar rayonunun Lək kəndindəki qəbiristanlıqda dəfn olunacaq.