Azərbaycanda itkin düşən 5 nəfər tapıldı
saida
Azərbaycan Respublikasının Daxili İşlər Nazirliyinin mətbuat xidmətindən bildirilib ki, martın 22-də polis əməkdaşları tərəfindən itkin düşmüş kimi axtarışda olan 5 nəfərin yeri müəyyən edilərək yaşayış ünvanlarına qaytarılıb.
Qeyd olunub ki, həmin şəxslər yaxınlarına məlumat vermədən yaşadıqları yerləri tərk etdikləri üçün axtarışa elan olunmuşdular.
Hüquq-mühafizə orqanlarının həyata keçirdiyi operativ tədbirlər nəticəsində vətəndaşların qısa müddətdə tapılması təmin edilib və onlar sağlam vəziyyətdə ailələrinə təhvil verilib.
“Görülən operativ tədbirlər nəticəsində itkin kimi axtarılan şəxslər tez bir zamanda müəyyən edilərək ailələrinə qaytarılıb.”
