Sumqayıt Bələdiyyəsi yeni ili parlaq işıqlar altında qarşılayır: Şəhər bayram libasında-FOTOLAR

Sumqayıt Bələdiyyəsi Yeni il ərəfəsində bayram ab-havasına qərq olub.

Denmedia.az xəbər verir ki, şəhərin mərkəzində yerləşən bələdiyyə binası və ətraf ərazi xüsusi işıqlandırma və bəzəklərlə bayram libasına bürünüb.

Gecə saatlarında yaranan mənzərə isə xüsusilə diqqət çəkir. Parlaq işıqlar altında şəhərə ayrı bir gözəllik qatan Yeni il yolkası quraşdırılıb, ərazidə “2026” rəqəmləri və “Yeni iliniz mübarək” sözləri əks olunub. İşıq effektləri və dekorativ elementlər Sumqayıta bayram əhval-ruhiyyəsi bəxş edir, sakinlər və qonaqlar üçün xoş ovqat yaradır.

Bu təşəbbüs Sumqayıt Bələdiyyəsinin şəhərdə bayram ruhunu gücləndirmək, Yeni ili sakinlər üçün daha yadda qalan və sevincli etmək məqsədinə xidmət edir. Bayram bəzəkləri xüsusilə axşam saatlarında şəhərin simasını daha cazibədar göstərir və Yeni ilin gəlişini müjdələyir.

Ellada Rəsul