Özge Özpirinçci məhkəmədən qorunma tələb etdi - “Ölümlə təhdid edilirik”
Türkiyəli aktrisa Özge Özpirinçci və vəkili Nail Gönenli onlara qarşı təhqir və ölüm təhdidi məzmunlu mesajların göndərildiyini iddia edərək Serkan Süzgün barəsində yenidən prokurorluğa müraciət ediblər.
Özpirinçci və Gönenli sosial şəbəkələrdə ağır ittihamlarla hədəfə alındıqlarını və təhdid edildiklərini bildirərək qorunma tələb ediblər.
Süzgün ailəsinin illər əvvəl çəkilmiş reklam filmində istifadə olunan fotoların icazəsiz yayımlandığını iddia etməsi ilə başlayan hüquqi proses daha əvvəl də gündəmə gəlmişdi. Bu çərçivədə Serkan Süzgün barəsində təhqir ittihamı ilə məhkəmə işi açılmışdı.
Yeni müraciətdə isə Serkan Süzgünün ittihamlarını davam etdirdiyi və üçüncü şəxslər vasitəsilə də təhdid mesajlarının göndərildiyi iddia olunub.
Özge Özpirinçci və Nail Gönenli irəli sürülən iddiaların araşdırılması, zəruri hüquqi tədbirlərin görülməsi və araşdırmaya başlanılması üçün müraciət ediblər.
